نیشنل ہائی وے اتھارٹی میں خوش آمدید

وفاقی حکومت یا صوبائی حکومت یا کسی اور متعلقہ اتھارٹی کی طرف سے نیشنل ہائی وے اتھارٹی کے سپرد کی گئی قومی شاہرات اور دفاعی نقطہ نظر سے اہم سڑکوں کی منصوبہ بندی ،ترقی،آپریشن،دیکھ بھال اور مرمت کیلئے پارلیمنٹ کے ایک ایکٹ کے ذریعے 1991 میں( نیشنل ہائی وے اتھارٹی۔این ایچ اے ) ادارہ قومی شاہرات قائم کیا گیا ۔نیشنل ہائی وے اتھارٹی 39 قومی شاہرات ، موٹرویز،ایکسپریس ویز اور سٹریٹیجک روڈز کی نگہبان ہے،جن کی کل لمبائی اس وقت12131 کلومیٹر ہے ،جوملک کے کل روڈ نیٹ ورک کا263775 کلومیٹر کا صرف4.6 فیصد ہے اور اس کے ملک کی80 فیصد تجارتی ٹریفک وابستہ ہے۔ کراچی۔لاہور۔پشاورقومی شاہراہ N-5 ملک کی اقتصادی شہ رگ کی حیثیت رکھتی ہے۔ملک کی مجموعی تجارتی سرگرمیوں کا 65 فیصد اسی مرکزی شاہراہ سے منسلک ہے۔ این ایچ اے ملک میں قومی شاہرات کے اثاثہ کا محافظ ہے اور ملک میں آمدورفت کے محفوظ،جدید اور مو ثر نظام کیلئے کوشاں ہے ۔پاکستان کے ٹرانسپورٹ کے نظام میں قومی شاہرات کا کردار مرکزی نوعیت کا ہے کیونکہ قومی شاہرات مائیکرو اور میکرو معیشت کی ترقی میں اہم کردار ادا کرتی ہیں اور صوبوں کے درمیان سماجی اور اقتصادی ترقی کو فروغ دے کر قومی یک جہتی کے فروغ کا ذریعہ ہیں۔

تفصیل پڑھیں